Pak kishte dyshime se kush mund të ishte trajner i ri i Lirisë, pasi klubi një ditë më parë shkarkoj Klodian Duron.
Të enjten skuadra prizrenase e konfirmoi në krye të ekipit, Liridon lecin, i cili do të udhëheq skuadrën në pjesën e mbetur të kampionatit.
Përmes një njoftimi në Facebook, bardhezinjtë njoftuan për arritjen e marrëveshjes me Lecin, i cili ishte pa angazhim në këtë edicion.
“Klubi njofton me kënaqësi se trajneri Liridon Leci i është bashkuar ekipit tonë si kryetrajner.
Leci karrierën e tij si trajner e ka nisur te Flamurtari, ndërsa ka drejtuar edhe Rahovecin dhe shpresat e Ferizaj!
Si ish-lojtar, ai numëron tituj kampioni dhe përvojë të çmuar ndërkombëtare.
Me ardhjen e tij, synojmë të konkurrojmë denjësisht në garat elitare, duke shpresuar në rezultate pozitive dhe paraqitje të mira për kënaqësinë e tifozëve tanë.
Mirë se erdhe në familjen tonë, Liridon Leci”, ka shkuar FC Liria në Facebook.
