Klubi i futbollit Dardania nga Baseli, në fundjavën e ardhshme më 21 dhe 22 qershor, do të organizojë Turneun tradicional të futbollit, më të madhin në Zvicër, në futboll të vogël.
Një numër i madh i skuadrave janë të interesuara për pjesëmarrje, megjithëse numri është i kufizuar, por që ka kohë deri të dielën e 22 qershorit për t’u paraqitur.
Zakonisht ky turne llogaritet si një ngjarje e madhe që bën bashkë shqiptarët në diasporë, që përveç aktivitetit në futbollin në sallë, të pranishmit argëtohen edhe me programin kulturoro-artistik me këngë e valle dhe mysafirë të veçantë.
Për ta madhështuar këtë ngjarje, FC Dardanisë i është besuar edhe organizimi i Kupës së Unionit të Klubeve Shqiptare të Futbollit, në Zvicër për Superkupën Kosovë – Diasporë.
Ky event do të mbahet të dielën e 22 qershorit, derisa të pranishëm janë edhe zyrtarë nga Federata e Futbollit e Kosovës.
Kupa e Unionit vlerësohet shumë nga institucionet dhe federata e shtetit Helvetik e në veçanti nga vetë mërgimtarët.
