“Kosova dhe Serbia duhet të bëhen bashkë dhe në mënyrë urgjente të riangazhohen në dialogun e lehtësuar nga BE-ja, mbështetur fuqishëm nga SHBA-ja”
Deklarata të tilla për kthim sa më të shpejtë në dialog, po vijnë nga ndërkombëtarët mjaft shpesh.
Kjo po konsiderohet si përgatitje për fazën finale të këtij procesi.
Ajo që në vazhdimësi i ka munguar Kosovës në këtë proces, është uniteti i brendshëm politik.
E për këtë njohësi i procesit të dialogut Visar Xani, thotë se dialogu është temë e interesit nacional dhe si e tillë kërkon bashkëpunimi e të gjithëve.
Njohësi tjetër i procesit të dialogut Gazmir Raci, thotë se vizita e zyrtarëve amerikan do të ketë efekt në krijimin e unitetit politik për dialogun.
Shtetet e Bashkuara të Amerikës në vazhdimësi kanë deklaruar se palët duhet të kthehen në dialog në këtë fazë finale, e që siç kërkojnë ata, duhet të përfundojë me marrëveshje për njohje të ndërsjellë.