Dëshmitarë, viktima e familjarë të viktimave erdhën nga Istogu për herë të parafundit në gjykatore.
Me të hyrë i akuzuari për krime lufte në komunën e Istogut Ekrem Bajroviq i shikoi pothuajse të gjithë në sy kur po shkonte të ulej në bankën e të akuzuarit.
Kësisoj procesi gjyqësor i nisur 7 muaj më parë po shkon drejt fundit.
“Dikush duhet të mbijetoj që të tregoj”..
Kështu nisi fjalën përfundimtare Prokurori special Ilir Morina derisa theksin e vuri te dëshmitari i vetëm qe i kishte mbijetuar plumbave të forcave serbe më 8 maj 1999.
Teksa potencoi se i pandehuri Bajroviq kishte marrë pjesë në dëbimin, plaçkitjen dhe rrahjen e civilëve në cilësinë e ndërmarrjes së përbashkët kriminale.
Derisa mbrojtja e Bajroviq nuk e ka mohuar faktin se ka ndodhur krimi, por se ka insistuar që klienti i tij nuk ka marrë pjesë në këtë krim.
“Mbrojtja dhe i mbrojturi im Ekrem Bajroviq nuk e mohojmë dhe nuk e zvogëlojmë më asnjë mënyrë faktin se me 7 dhe 8 maj 1999 ka ndodhur krimi në fshatin Saradran. Ne pajtohemi se janë vrarë njerëz të pafajshëm dhe nuk e kemi problem ta themi këtë në gjykatore mirëpo mbrojtja në tërësi e mohon pretendimin se Eqrem Bajroviq ka marrë pjesë në kryerjen e veprës oenale e cila i vihet barrë”, tha ai.
Të gjithë viktimat parashtruan kërkesë pasurore për dëmshpërblim dhe kërkuan qe Bajroviq të shpallet fajtor.
Në seancën paraprake, i akuzuari Ekrem Bajroviq është mbrojtur në heshtje derisa gjatë tërë gjykimit kishte mohuar akuzat.
