“Ne familjarët e të zhdukurve nuk e kuptojmë gjuhën e politikës, por vetëm gjuhën e dhimbjes”.
Kështu rrëfen për dhimbjen që e ka na zemër, Salih Muhaxheri.
Ai për asnjë moment nuk është ndaluar se kërkuari për gruan e tij e cila është e zhdukur që nga prilli i vitit 1999.
Muhaxheri nuk e fsheh zhgënjimin që ka me institucionet për mungesën e progresit në zbardhjet e fatit të të pagjeturve.
“Ne familjarët e të pagjeturve nuk e kuptojmë gjuhën e politikës por vetëm gjuhën e dhimbjes. Në këto katër vitet e fundit nuk ka pasur progres të mjaftueshëm për zbardhjen e fatit të familjarëve tanë. Natyrisht, që nuk mund të jemi të kënaqur me këtë situatë”, tha kryetari i Shoqatës së të Pagjeturve në Ferizaj.
Sikurse Muhaxheri janë edhe mijëra familjarë të tjerë që akoma nuk dinë asgjë për fatin e më të dashurve të tyre.
Kryetar i Këshillit të Familjarëve të Pagjetur, Ahmet Grajqevci, tregon arsyet se pse nuk po ka progres të mjaftueshëm në këtë drejtim.
“Varrezat masive janë brenda Serbisë dhe shteti serb e ka për obligim të tregojë se ku fshihen këto varreza. Bashkësia ndërkombëtare duhet t’i bëj presion Serbisë në këtë drejtim sepse atje është adresa. Serbia është ajo që e ka bllokuar këtë proces”, tha Grajqevci.
Qeveria e Kosovës i ka dërguar një letër përfaqësueses së lartë për Punë të Jashtme dhe Politikë të BE-së, Kaja Kallas, për të marrë hapa konkretë që e detyrojnë Serbinë të hapë arkivat shtetërore.
