Por, procesi pas lindjes nuk ka shkuar aq mirë sipas familjarëve të Gecit.
Babai i deputetes, Gani Geci në një postim në rrjetin social Facebook ka shkruar që foshnja e porsalindur u infektua me një virus.
Madje Geci ka postuar edhe një video në Facebook, ku flet për gjendjen në këtë klinikë.
“Lindja ka qenë normale, nipi im Nili në spital pas lindjes nga papastërtia është infektuar me Rotavirus, një sëmundje infektive. Për me ba analizën për këtë virus mjekët e kanë rekomanduar që analiza të bëhet me procedurë të shpejtë por nga gabimet e teknikëve është fut në procedurë të ngadalësuar”, tha Geci.
Televizioni ka tentuar të marrë një qëndrim edhe nga deputetja e Lidhjes Demokratike të Kosovës, Margiona Geci, por nuk ka arritur.
Kurse nga Klinika e Gjinekologjisë ka thënë që gjendja e deputetes dhe foshnjës ka qenë e mirë kur ka dal nga klinika.
Edhe në Klinikën e Neonatologjisë kanë thënë që foshnja gëzon shëndet të mirë.
Madje sipas saj foshnja vetëm sa ka filluar të shtojë peshë dhe është në gjendje stabile.
Kronika e gazetares Doresa Geci.
