Por, Fazli Hoxha, 23 vjeçar mbeti i vrarë në parkingun e lokalit në Volljakë të Klinës.
Pas disa të shtënave me armë zjarri, viktima nuk arriti t’u mbijetonte plagëve të marra, përkundër ndihmës mjekësore.
Të plagosur me këtë rast mbeten edhe dy vëllezërit e viktimës.
“Me të arritur në vend të ngjarjes, është konstatuar se tre persona janë të lënduar. Janë dërguar në Qendrën e Mjekësisë Familjare pastaj janë dërguar në emergjencën e Pejës. Pas pak kohe, mjeku kujdestar e ka konfirmuar vdekjen e njërës viktimë”, ka thënë Vesel Gashi nga Policia rajonale e Pejës.
Në lidhje me rastin janë arrestuar 5 persona. Prokuroria Themelore në Pejë ka kërkuar masën e paraburgimit ndaj tyre.
Në vendin e ngjarjes përpos armës së zjarrit, Prokuroria ka gjetur edhe mjete të tjera të forta.
Familjarët e viktimës, prapa kamerës i kanë thënë televizionit se nuk i dinë arsyet që qoi në këtë rast tragjik.
Kronika e realizuar nga Florijeta Dernjani
