Në rrjetet sociale janë publikuar disa fotografi, në të cilat pretendohet se disa anëtarë të familjes së heroit Mujë Krasniqi, janë pagëzuar në Kishën “Zoja e Këshillit të Mirë” në Klinë.
Mirëpo, ndaj këtyre publikimeve, familja e heronjve Mujë dhe Ali Krasniqi, kanë dërguar një reagim për Tëvë1. Ata kanë thënë se këto shkrime janë të pavërteta, dhe i kanë konsideruar dezinformatë të qëllimshme, duke theksuar se diçka e tilë nuk ka ndodhur.
“Ky është një lajm i pavërtetë, i paqëndrueshëm dhe spekulativ. Familja jonë nuk ka marrë pjesë në një ceremoni të tillë, as nuk ka kryer ndonjë pagëzim siç është raportuar. Kërkojmë nga të gjitha mediat dhe individët që të ndalojnë përhapjen e këtyre dezinformatave,” thuhet në reagimin e familjes.
Ata kanë theksuar se nuk janë kundër asnjë feje, mirëpo kundërshtojnë fuqishëm manipulimin dhe përfshirjen e emrit të tyre në ngjarje të pavërteta, që sipas tyre, rrezikojnë të njëllosin figurën dhe nderin e familjes, që ka dhënë gjithçka për lirinë e Kosovës.
