Mesfushori Jack Grealish do të largohet nga Manchester City për t’iu bashkuar ekipit tjetër nga Premier League, Evertonit.
Bëhet e ditur se Evertoni ka arritur marrëveshje me Cityn për shërbimet e Grealishit, i cili pritet të martën të prezantohet te skuadra e re.
Në fakt, Grealish do të huazohet për një vit tek Evertoni, ekip që ka opsionin e blerjes së tij verën e ardhshme.
Grealish preferoi Evertonin para ofertave të Tottenhamit dhe Newcastle Unitedit për shkak të trajnerit David Moyes, i cili i ka premtuar vendin e titullarit.
29-vjeçari ka kontratë me Cityn deri në vitin 2027, ndërsa iu bashkua në vitin 2021 për një shumë rekorde prej 120 milionë eurosh.
