Te skuadra e Evertonit kanë ndryshuar situata sa i përket sulmuesit të Kombëtares së Shqipërisë, Armando Broja.
Tek Evertoni po mendojnë blerjen e kartonit të tij në verë nga Chelsea, ekip nga i cili e kanë huazuar për një vit.
Është trajneri David Moyes, ai që e sheh Brojën si pjesë të rëndësishme të planeve të Evertonit edhe pse zyrtarët e klubit kishin menduar ta kthejnë 23-vjeçarin te Chelsea muajin e shkuar.
Broja këtë sezon ka pasur probleme të shumta me lëndimet dhe aktualisht është duke u rikuperuar nga lëndimi i fundit, i cili pritet të mbajë jashtë fushës deri muajin tjetër.
Broja ka 6 paraqitje për Evertonin këtë sezon, ndërsa me skuadrën e Chelseat ka kontratë deri në verën e vitit 2028.
