Ekipi nga Premier League, Evertoni po shihet favoriti kryesor për transferimin e mesfushorit Douglas Luiz, kanë njoftuar të dielën mediumet angleze.
Në fakt, mësohet se Evertoni ka nisur negociatat me mesfushorin brazilian, përpara se ta kontaktojë Juventusin në lidhje me shërbimet e tij.
Trajneri i Evertonit, David Moyes po insiston ta ketë nën urdhërat e tij, Luizin, të cilin po e vlerëson si përforcim të rëndësishëm për mesfushën.
Evertoni po shpreson ta mposht konkurrencën e fortë për Luizin, i cili po kërkohet edhe nga Fulhami, Manchester United, Tottenhami e Aston Villa.
27-vjeçari vitin e shkuar iu bashkua Juventusit por nuk ka bindur me paraqitjet e tij për shkak të lëndimeve të shpeshta dhe ekipi nga Serie A, tashmë e ka nxjerrë në shitje.
Zyrtarisht, Juventusi për kartonin e Luizit po kërkon 30 milionë euro kurse braziliani sezonin e shkuar ka regjistruar vetëm 19 paraqitje në kampionatin italian.
