Afër 900 milionë euro janë të bllokuara për Kosovën.
Këto mjete të ndara nga Bashkimi Evropian prej Planit të ri të Rritjes, nuk po alokohen pa Kuvend funksional.
E mos-konstituimi i Kuvendit të Kosovës, po e bllokon ratifikimin e dy marrëveshjeve ndërkombëtare.
Sipas deputetes së Vetëvendosjes, Arbëreshë Kryeziu Hyseni nga këto vonesa dëmtohet vetëm qytetari i vendit.
Kryeziu Hyseni thotë se shuma do të jetë e njëjta dhe nuk ka humbje.
Këtë shumë si të njëjtë nuk e sheh deputeti i Lidhjes Demokratike të Kosovës, Armend Zemaj.
Zemaj thotë se vlera e tyre nuk është njëjtë ditëve në vijim për shkak të inflacionit.
Mendim të njëjtë për vlerën e parave kanë edhe nga Instituti i Kosovës për Drejtësi.
Naim Jakaj thotë se këto mjete përfitohen vetëm përmes Kuvendit.
Për 20 herë me radhë, deputetët e Kuvendit të Kosovës kanë dështuar të konstituojnë këtë institucion.
