Forcat e EUROPOLIT kanë arrestuar 288 persona nën dyshimet për shit-blerje të drogës përmes internetit, në një operacion që është zhvilluar në 9 vende.
Arrestimet u kryen në Shtetet e Bashkuara (153), Mbretërinë e Bashkuar (55), Gjermani (52), Holandë (10), Austri (9), Francë (5), Zvicër (2), Poloni (1) dhe Brazil (1).
Po ashtu u sekuestruan mbi 50.8 milionë euro kesh dhe monedha virtuale, 850 kg drogë dhe 117 armë zjarri. Droga e sekuestruar përfshin mbi 258 kg amfetaminë, 43 kg kokainë, 43 kg MDMA, mbi 10 kg LSD dhe pilula ekstazi.
Në prag të këtij operacioni të koordinuar, autoritetet gjermane dhe amerikane mbyllën gjithashtu ‘Hydra’, vlerësuar si tregu më fitimprurës i ‘rrjetit të errët’ i cili kishte të ardhura të vlerësuara prej 1.23 miliardë eurosh, në prill 2022.