Në paralajmërimin për takimin mes kryeministrit të Kosovës, Albin Kurti me Borrellin e Lajçakut, ishte thënë “takim bilateral me Albin Kurtin, liderin kosovar * të opozitës”
“Takimi Beograd – Prishtinë. Takimi bilateral me Albin Kurtin, liderin kosovar * të opozitës. *Ky përshkrim është pa paragjykim ndaj pozicionit në status dhe në linjë me rezolutën 1244/1999 të OKB-së dhe opinionin e Gjykatës Ndërkombëtare të Drejtësisë në lidhje me deklarimin e pavarësisë nga Kosova”, ishte shkruar në paralajmërimin e takimeve nga BE-ja”, thuhej në njoftim.
Në lidhje me këtë së pari ka reaguar gazetarja austriake Franziska Tschinderle
“Prisni pak. A e ka prezantuar BE-ja vërtetë Albin Kurtin si ‘lider të opozitës’ në vend të kryeministrit?”, ka pyetur ajo në Twitter.
E postimin e saj e ka shpërndarë Mandl, ku ka kërkuar sqarime nga përfaqësuesi i Lartë për Politikë të Jashtme, Josep Borrell, emisari për dialog Kosovë – Serbi, Miroslav Lajçak, Komisioneri i Bashkimit Evropian për Zgjerim, Oliver Varhelyi e presidentja e Komisionit Evropian, Ursula von der Leyen.
“A mund të ju kërkojë sqarime për këtë çështje që ka ngritur gazetarja Tschinderle? Faleminderit! Hvala! Thank you! Danke! Merci!” – ka shkruar Mandl në Twitter.
@vonderleyen, @JosepBorrellF, @OliverVarhelyi, @MiroslavLajcak, May I ask you for clarification on the matter the journalist @tschinderle has just raised? Faleminderit! Hvala! Thank you! Danke! Merci! https://t.co/KFF3EQawmD
— Lukas Mandl (@lukasmandl) August 18, 2022
Kujtojmë se sot është mbajtur takimi i nivelit të lartë në Bruksel, mes përfaqësuesit të Lartë të BE-së, Josep Borrell, emisarit për dialog Kosovë – Serbi, Miroslav Lajçak, kryeministrit të Kosovës, Albin Kurti dhe presidentit të Serbisë, Aleksandar Vuçiq.
Pas këtij takimi është deklaruar Borrell duke thënë se nuk ka pasur marrëveshje Kurti – Vuçiq, por sipas tij nuk do të dorëzohen. /teve1.info/
