Një mbledhje jozyrtare e ministrave të jashtëm të NATO-s në kryeqytetin norvegjez Oslo, e dyta e këtij lloji qëkur Gjermania nisi këtë format vitin e kaluar, pritet të ndodhë sot.
Delegacionet, megjithatë, do të sillen sikur ky të ishte një takim “formal”, thanë disa diplomatë të NATO-s për EURACTIV.
Edhe pse tema nuk është zyrtarisht në agjendë, ministrat ka gjasa të prekin edhe situatën e fundit në Kosovë, kupton EURACTIV.
NATO ka vendosur të përforcojë praninë e saj me 700 trupa shtesë nga forca rezervë operacionale për Ballkanin Perëndimor, të dislokuar në Kosovë si pjesë e forcës së aleancës në terren të KFOR-it, tha të martën në Oslo, Sekretari i Përgjithshëm Jens Stoltenberg.
Aleanca gjithashtu vendosi “të vendosë një batalion shtesë të forcave rezervë në gatishmëri më të lartë, në mënyrë që ato të mund të dislokohen nëse është e nevojshme”, tha Stoltenberg.
KFOR-i ishte në shënjestër të protestuesve serbë në veri të Kosovës. Stoltenberg dënoi fuqishëm sulmet e paprovokuara kundër trupave të KFOR-it në veri të Kosovës, të cilat çuan në plagosjen e 30 paqeruajtësve.
