Sipas tyre, Bamieh po përsërit akuza e përgojime të pabazuara, shkruan teve1.info
“Në konferencën e sotme për shtyp, ne e kemi dëgjuar Maria Bamieh të përsërisë akuza, thashetheme dhe përgojime të pabazuara. Bamieh nuk e prezantoi as edhe një provë të re”, thuhet në reagim.
EULEX-i shton se rasti i Bamieh kundër tij në Britani të Madhe ishte hedhur poshtë më 2018.
“Përveç kësaj, rasti i Bamieh kundër EULEX-it në Britani të Madhe ishte hedhur poshtë në vitin 2018. Ajo kishte filluar një procedurë civile në Britaninë e Madhe në lidhje me çështjet e punësimit kundër punëdhënësit të saj (FCDO), Misionit dhe kolegëve të saj, disa prej të cilëve ajo i përmendi sot…si Misioni për sundimin e ligjit, ne besojmë në drejtësinë e ndarë nga insttiucionet e drejtësisë”, thuhet në fund të reagimit.
Në një konferencë për media sot, Bamieh tregoi se si kishte zbuluar dyshimet për korrupsion në rastin e Ilir Tolajt, ish-ministër i Shëndetësisë, dhe si kishte mësuar nga përgjimet se gjyqtari i EULEX-it, Francesco Florit, takohej me ndërmjetësuesit e Tolajt, kur ky gjendej në burg, për ta zhdukur rastin në këmbim të një pagese. /Teve1.info/
