Përmes një postimi në Twitter, Wigermark ka thënë se këto sulme janë akte kriminale dhe duhet të ndërpriten menjëherë, shkruan teve1.info
Po ashtu, ai shtoi se EULEX-i do t’i shtojë patrullimet në atë zonë.
“Të shtënat e sotme në liqenin e Gazivodës/Ujmanit janë edhe një sulm me armë zjarri ndaj Policisë së Kosovës. Askush nuk u lëndua, por këto sulme jo vetëm që janë të rrezikshme, janë akte kriminale dhe duhet të ndërpriten menjëherë. @EULEXKosovo do të shtojë patrullimet e saj në zone”, ka shkruar ai.
Policia e Kosovës ka njoftuar sot se është sulmuar me armë zjarri deri sa ka qenë duke vendosur një barkë patrulluese në Liqenin e Ujmanit.
Policia ka theksuar se ndaj zyrtarëve policorë ka pasur dhjetë të shtëna me armë zjarri. /Teve1.info/
