Përmes një postimi në Facebook, EULEX u shpreh se se autoritetet në Kosovë, përfshirë ato në nivelin më të lartë duhet që t’i dënojnë sa më fuqishëm këto sulme.
“Autoritetet e Kosovës, përfshirë ato në nivelin më të lartë, duhet të japin shembullin. Sulmet duhet të dënohen sa më fuqishëm. Kosova ka kornizë ligjore të avancuar për mbrojtjen e të drejtave të njeriut për të gjithë, përfshirë edhe dispozita në kodin penal që e konsiderojnë motivin e urrejtjes në bazë të orientimit seksual krim apo rrethanë rënduese”, thuhet ndër tjerash në njoftim.
Tutje, EULEX thotë se nga monitorimi i tyre për këto raste është treguar proces i kufizuar nga identifikimi deri te hetimi dhe gjykimi i veprave penale të motivuara nga urrejtja që shënjestrojnë këta persona.
“Sot EULEX valëvitë flamurin e ylbertë 🏳️🌈 në selinë në Prishtinë për të treguar mbështetje dhe për të bërë thirrje për barazi, drejtësi dhe përfshirje për të gjithë personat pavarësisht orientimit seksual, identitetit gjinor apo karakteristikave të seksit”, njofton tutje EULEX-i./teve1.info/
