Kapiteni i deritashëm i Kombëtares së Kosovës U21, anëtari i FC Malisheva, Etnik Brruti, sipas burimeve në FSHF tashmë ka zgjedhur të braktisë Kosovën për të përfaqësuar Shqipërinë.
Futbollisti i Malishevës ishte një nga talentet më premtuese të futbollit kosovar dhe një figurë kyçe në Kombëtaren U21 të Kosovës. Ai mbante shiritin e kapitenit, një përgjegjësi dhe nder që nuk i jepet kujtdo. Për më tepër, ai shihej si një perspektivë e rëndësishme për Kombëtaren A të Kosovës.
Nuk është hera e parë që futbollistë të ri nga Kosova, largohen në drejtim të kombëtareve të tjera, të shtyrë nga interesa të ndryshme dhe të ndikuar edhe nga menaxherët.
