I dërguari i ShBA-së për Ballkanin Perëndimor, Gabriel Esocbar, është takuar sot në Beograd me presidentin e Serbisë, Aleksandar Vuçiq.
Esobar, në këtë takim ka shprehur shpresën që kryeministri i vendit, Albin Kurti dhe presidenti serb, Vuçiq, do të arrijnë shpejtë një marrëveshje për zbatimin e propozimit evropian për rrugën drejt normalizimit ndërmjet Kosovës dhe Serbisë, raporton media serbe, transmeton teve1.info.
Takimi është realizuar një ditë pas vizitës së përfaqësuesit special të BE-së për dialogun Kosovë – Serbi, Miroslav Lajçak.
Ndërkohë, Lajçak u takua me zyrtarët e lartë të opozitës serbe në kuadër të përgatitjeve për takimin e liderëve të Serbisë dhe Kosovës në Ohër.
Të shtunën, më 18 mars, Kurti dhe Vuçiq do të takohen sërish për diskutimin e propozimit evropian. Takimi do të mbahet në Ohër të Maqedonisë së Veriut.
