Përmes një deklarate nga ESI me titull “Sërish 47? Rusia jashtë, Kosova brenda”, drejtuesit e kësaj nisme, Gerald Knaus dhe Kristof Bender kanë kërkuar që në vend të Rusisë, Kosova të pranohet në këtë organizatë dhe vendimi të merret në takimin e Torinos më 20 maj, në Itali.
Po ashtu, në letrën e publikuar kujtohet se për dërgimin e Kosovës në Asamblenë Parlamentare (PACE) mjaftojnë dy të tretat e votave, që i bie 31 vota për nga 46 vende që janë pjesë e KiE-së.
Tutje, ESI vlerësoi se pavarësia e Kosovës që u konfirmua edhe nga Gjykata Ndërkombëtare e Drejtësisë, është rrëfim i kundërt i Rusisë e cila u përjashtua së fundmi nga KiE.
“Ndryshe nga Rusia, Kosova ka shënuar bartje paqësore të pushtetit nëpër zgjedhje të lira dhe fer. Ndryshe nga Rusia, Kosova e pavarur nuk ka pasur asnjëherë të burgosur politikë. Ndryshe nga Rusia, Kosova asnjëherë nuk ka nxitur luftëra”, thuhet në deklaratë.
Letra e plotë e ESI-së, drejtuar vendeve anëtare të Këshilit të Evropës: https://www.esiweb.org/newsletter/47-again-russia-out-kosovo?fbclid=IwAR2asNIux4hM2spTVEOIxPTDhYKL6KS-WwBaqlW6qoi87-l9wAEgsXXfj0U
