Presidentja i priti dy emisarët të shoqëruar nga ambasadori amerikan Jefry Hovenier.
Takimi mes tyre u zhvillua brenda dyerve të mbyllura e zgjati më shumë se një orë.
E pasi përfunduan takimin me presidenten Escobar e Lajçak vazhduan për kryeministri, ku takuan kreun e ekzekutivit, Albin Kurti.
Takimit të kryeministrit të Kosovës, me të dërguarin special të ShBA-së për Ballkanin Perëndimor, dhe emisarit special të BE-së për dialogu, iu bashkua edhe komandanti i KFOR-it, Ferenc Kajari dhe ministri i Punëve të Brendshme, Xhelal Sveçla.
Pasi përfundoi takimet me krerët institucional emisari i SHBA-së tha që është siguruar se me një shtator nuk do të ketë dhunë.
“Mendimi im i vetëm është se unë jam këtu për të dhënë mbështetjen për të gjetur një rrugë përpara për të gjitha këto çështje të vështira. Detajet se si shkojnë përpara janë në të vërtetë për dialogun, por unë doja të sigurohesha që njerëzit të kuptojnë se vizita ime këtu ishte me të vërtetë për të treguar mbështetjen e plotë për dialogun e lehtësuar nga BE. Të dyja palët na kanë siguruar se nuk duan përshkallëzim, nuk duan dhunë më 1 shtator. Pra, tani jemi këtu për t’u siguruar që të gjitha ato dëshira të mira, dhe i gjithë ai optimizëm të përkthehen në një propozim konkret”, tha Escobar.
Kurse Lajçak tha se këto takime po bëhen për të parandaluar që të përsëriten tensionet, sikurse më 31 korrik.
“Por, mesazhi më i rëndësishëm është se ne jemi këtu së bashku me Gabriel Escobar, para së gjithash për të treguar se uniteti midis Bashkimit Evropian dhe Shteteve të Bashkuara është i plotë dhe nuk mund të jetë më i mirë. Ne po punojmë krah për krah kur është fjala për normalizimin e marrëdhënieve ndërmjet Kosovës dhe Serbisë. Dhe së dyti që komuniteti ndërkombëtar është shumë i shqetësuar për atë që pamë në terren më 31 korrik, dhe presin që ne të gjithë së bashku, negociatorët, lidershipi i Kosovës dhe lidershipi i Serbisë të mos lejojmë që kjo të përsëritet më 31 gusht”, tha Lajçak.
Lajçak tha se shpreson se do gjendet një zgjidhje mes dy palëve.
“Unë jam optimist. Kjo është arsyeja pse unë jam këtu. Nëse nuk do të besoja se ka një zgjidhje, as që do të vija. Siç thashë, ky ishte një takim i rëndësishëm në thelb dhe i dobishëm, por do të shohim pas këtij takimi, pas kësaj, do të ishte shumë herët për të dhënë ndonjë përfundim në këtë moment, por ishte një takim shumë i mirë”, shtoi ai.
Lajçak e Escobar takuan edhe krerët e partive opozitare, Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës.
Të dy emisarët, me 25 gusht do të qëndrojnë në Beograd.
Kronika e gazetarit Shpat Blakçori.
