Presidenti turk, Rexhep Tajip Erdogan u takua të mërkurën në Doha me Emirin e Katarit, Sheikh Tamim bin Hamad Al Thani, në kuadër të vizitës së tij zyrtare në Katar.
Pas vizitës së tij në Kuvajt, Erdogan mbërriti në kryeqytetin e Katarit, Doha, të martën për një vizitë zyrtare me ftesë të emirit.
Takimi kokë më kokë midis Erdoganit dhe Al Thanit po mbahet me dyer të mbyllura në Amiri Diwan në Doha.
Pas takimit, delegacionet e Turqisë dhe Katarit pritet të zhvillojnë bisedime dhe të marrin pjesë në një ceremoni nënshkrimi të një sërë marrëveshjesh dypalëshe.
Turqia dhe Katari gëzojnë marrëdhënie të forta të ndërtuara mbi bashkëpunim të thellë politik, ekonomik dhe mbrojtës.
Të dy vendet ruajnë bashkëpunim të fortë në mbrojtje, i ilustruar nga baza ushtarake Tariq Bin Ziyad në Doha, e cila u bë operacionale në vitin 2015.
Kohët e fundit, Turqia dhe Katari kanë punuar së bashku për të mbështetur përpjekjet për paqe dhe iniciativat humanitare në Gaza.
Katari është ndalesa e dytë e turneut tre-ditor të Erdoganit në Gjirin Persik, i cili përfshin edhe Omanin./Anadolu
