Presidenti turk, Recep Tayyip Erdogan tha se disa hotele në Antalia të Turqisë, do të strehojnë të mbijetuarit nga tërmeti.
“Duke filluar nga vendet afër zonës së fatkeqësisë, po bëhen planet e nevojshme për t’i vënë hotelet që tashmë kanë pezulluar aktivitetet e tyre për shkak të sezonit të dimrit, në shërbim të viktimave të fatkeqësisë,” tha Erdogan në një fjalim të martën. “Vetëm në rajonin e Antalias janë përgatitur 50 mijë shtretër për këtë qëllim.
Rreth 8,000 njerëz u shpëtuan nga rrënojat deri më tani, deklaroi Erdogan, transmeton teve1.info
Tutje, ai bëri të ditur se deri më tani, 54,000 tenda dhe 102,000 shtretër janë dërguar në rajone, dhe 53,317 personel shpëtimi po punojnë në zonën e tërmetit.
