Presidenti i Turqisë, Recep Tayyip Erdogan, u ka bërë thirrje autoriteteve izraelite të bëjnë më shumë përpjekje për të arritur paqe, ndërsa bisedimet në Egjipt vazhdojnë për të tretën ditë.
Duke folur në një takim të partisë së tij në pushtet, AK, Erdogan tha: “Paqja nuk është një zog me një krah të vetëm. Vendosja e gjithë barrës së paqes mbi Hamasin dhe palestinezët nuk është një qasje e drejtë, e saktë apo realiste”, citon Al Jazeera.
Ai theksoi se Izraeli mbetet pengesa kryesore për paqen dhe i bëri thirrje gjithashtu të ndalojë sulmet ndaj Gazës.
