Gjatë një interviste për Fox News, presidenti i Turqisë, Recep Tayyip Erdogan, foli rreth qëndrimit të tij për konfliktin në Gaza dhe për grupin Hamas.
Intervista u zhvillua në New York, ku Erdogan po qëndronte me rastin e pjesëmarrjes së tij në Asamblenë e Përgjithshme të Kombeve të Bashkuara.
I pyetur nga gazetari nëse e konsideron Hamasin si një organizatë terroriste, presidenti turk përsëriti qëndrimin e tij të kahershëm. Ai tha:
“20 vite më parë kur e kam vizituar SHBA-n ma kanë bërë këtë pyetje. Kam thënë atëherë që nuk e shoh Hamasin si një organizatë terroriste. Përkundrazi e shoh si një grup i rezistencës“, tha Erdogan.
“Ata nuk kanë kapacitete të mëdha ushtarake por po përdorin atë që kanë në dispozicion për të mbrojtur veten”, shtoi ai.
Turqia, nën udhëheqjen e Erdoganit, ka qenë një prej mbështetësve të zëshëm të çështjes palestineze dhe ka kritikuar shpesh qëndrimet perëndimore ndaj konfliktit në Gaza.
Pas sulmit ndaj disa anëtarëve të Hamasit në Doha të Katarit, disa ministra izraelitë nuk kanë përjashtuar mundësinë që në të ardhmen të ndërmarrin sulme kundër anëtarëve të këtij grupi edhe në Turqi, një vend anëtar i NATO-s.
View this post on Instagram
