Presidenti turk, Rexhep Tajip Erdogan është takuar të mërkurën në Ankara me homologun e tij ukrainas, Volodymyr Zelensky.
Në një konferencë për shtyp të mbajtur, Erdogan tha se Turqia beson se do të ishte e dobishme që procesi i Stambollit për luftën në Ukrainë të zbatohej me “një kornizë gjithëpërfshirëse që mund të adresojë problemet tani akute”.
“Bisedimet e Stambollit përbëjnë një moment të rëndësishëm në përpjekjet diplomatike në një kohë kur efektet shkatërruese të luftës (Rusi-Ukrainë) po thellohen”, tha Erdogan, duke nënvizuar rëndësinë e bisedimeve të organizuara nga roli ndërmjetësues i Turqisë për t’i dhënë fund luftës në vazhdim, shkruan agjencia e lajmeve Anadolu.
Erdogan shprehu gatishmërinë e Ankarasë për të diskutuar me Rusinë “çdo propozim që do të përshpejtonte një armëpushim, duke hapur rrugën për një paqe të drejtë dhe të qëndrueshme”.
Ai kërkoi që Turqia të pret që të gjithë partnerët që duan të ndalojnë gjakderdhjen midis Rusisë dhe Ukrainës të mbajnë një qëndrim konstruktiv ndaj procesit të Stambollit.
