Erdhi nga Gjermania për të investuar në Kosovë. Eshref Gjoci nga Komuna e Istogut në muajin Janar kishte përfunduar ndërtimet në fermën prej 500 metra katror. Por, erërat e forta në Istog i bënë dëme të mëdha.
Gjoci pretendon që dëmet që i janë shkaktuar arrijnë vlerën deri në 40 mijë euro. Ai pret nga Komuna dhe Qeveria që t’i kompensohen dëmet që i janë bërë.
Fermeri thotë se punimet kanë qenë në nivel dhe se ka investuar mjaftueshëm në ndërtimin e kësaj ferme. Por, sipas tij, nëse nuk ka përkrahje institucionale është problematike që të investohet në këtë vend.
Në fillim të muajit shkurt, qyteti i Istogut kishte pësuar dëme nga erërat e forta dhe moti i lig. Si pasojë e kësaj edhe mësimi në shkolla ishte pezulluar.
Kronika e gazetares Rinesa Osmanaj.