Deputeti i Partisë Demokratike të Kosovës, Enver Hoxhaj ka njoftuar se është zgjedhur anëtarë i Akademisë Shqiptare të Arteve dhe Shkencave.
Ai ka shprehur falënderim dhe mirënjohje për anëtarësimin në këtë akademi pjesë e së cilës janë emra të mëdhenj të artit e shkencës.
“Jam mirënjohës dhe kam kënaqësinë të pranoj zgjedhjen time anëtar të Akademisë Shqiptare të Arteve dhe Shkencave, anëtarë të së cilës janë shumë emra eminentë, përfshirë Ismail Kadarenë, Lea Ypi, Anthony Giddens dhe nga Kosova Rexhep Qosja. Falenderoj shumë Presidentin e Akademisë, Prof. Dr. Fatos Tarifa dhe Kryesinë e saj, duke më bërë mua pjesë të këtij forumi intelektualësh eminentë mbarëshqiptarë dhe botëror!”, ka shkruar ai.
