Milani me përmbysje ka marrë tre pikë të mëdha në “Olimpico”.
Kuqezinjët në udhëtim te Lazio triumfuan me shifra 2:1, takim ky në kuadër të xhiros së 34-t të Serie A. Biankoçelistët e gjetën të parët avantazhin në këtë takim, me golin e Ciro Immobile në minutën e pestë, duke shkuar edhe në pushim me epërsi minimale.
Rossonerët në pjesën e dytë treguan një fytyrë tjetër nga ajo e para, ku pas pesë minutave barazuan edhe rezultatin në 1:1. Olivier Giroud ishte realizator i goli, me asistues Rafel Leao.
Kuqezinjët u treguan të rrezikshëm edhe në minutat në vazhdim, mirëpo golin e pikëve të plota e arritën në minutën e 92-t me shënues Sandro Tonalin, ku u asistua nga Zlatan Ibrahimoviq.
Me 74 pikë, Milani ngritët në vendin e parë, dy me shumë se Interi që ka edhe një ndeshje me pak. Ndërkaq, Lazio zë pozitën e gjashtë me 56 pikë, dhe rrezikon të siguroj një biletë për Evropë.
/Tëvë1/
