Sulmuesi i krahut, Emir Sahiti është njëri prej të paktën tetë futbollistëve që do të largohet nga skuadra e Hamburgut gjatë këtij afati kalimtar.
Megjithatë, Sahiti pritet të huazohet nga Hamburgu te Maccabi Tel Avivi, ekip që bën gara në Superligën e Izraelit.
Në të vërtetë, marrëveshja për huazimin e 27-vjeçarit është arritur dhe Sahiti së shpejti do të prezantohet te Maccabi, pasi ti nënshtrohet kontrollimeve mjekësore.
Sahiti prej verës së vitit 2024 ishte pjesë e Hamburgut, ekip që pagoi 1.2 milionë euro për ta transferuar nga Hajduku i Splitit dhe ka kontratë me gjermanët deri në vitin 2027.
Këtë sezon, Sahiti ka qenë jashtë planeve të Hamburgu dhe në total ka katër paraqitje në të gjitha garat apo 230 minuta lojë.
