Që nga 28 prilli, Qeveria e Kosovës konsiderohet si qeveri në detyrë.
Por, mëgjitkëtë, emërimet në ekzekutiv, po vazhdojnë normalisht.
Kështu, së fundmi u njoftuan emërimet e tre zëvendësministrave.
Por, duarkryq nuk qëndruas as ministritë.
Ajo e Drejtësisë, njoftoi se hapi konkurs për 50 zyrtarë korrektues.
E gjitha kjo, në prag të hapjes së fushatës zgjedhore.
E këto veprime nga ana e ekezutivit në detyrë, po konsiderohen se nisje e fushatës zgjedhore.
“Vet vazhdimi i emërimeve të zëvendësministrave në detyrë nga kryeministri në detyrë, është një tentim që të prezantohet vendi sikur situata është krejtësisht normale. Dhe kjo është një mashtrim që nuk do duhej t’iu servohej qytetarit të vendit. Në anën tjetër hapja e konkurseve me këtë pozicion të qeverisë në ato momente kur ka impakt qeveria, konsideroj që është kryesisht e fushatës zgjedhore dhe jashtëzakonisht jo e domosdoshme, jo profesionale e jo e shëndetshme për rendin demokratik në vend”, ka thënë Maloku.
E profesori, Avdi Smajlaj, thotë se punësimet në këtë kohë, në shumë raste paguhen me votë.
“Sa i përket hapjes së vendeve të reja të punës, sidomos meqë kjo lidhet edhe me kohën e fushatës, mendoj që është më shumë një përpjekje për të rritur numrin e votave marrë për bazë që tek ne një numër i votuesve ndoshta të shtyerë për shkak të nevojës për një vend pune, e shkëmbejnë shpesh votën me një vend pune. Kjo pastaj lidhet me mundësinë që ata të ndikojnë edhe tek familjarët e tyre”, u shpreh Smajlaj.
Ndryshe, fushata zgjedhore për zgjedhjet e 7 qershorit do të fillojë më 28 maj.
