Sulmin e mbrëmshëm ndaj patrollës së Policisë së Kosovës dhe KFOR-it në Komunën e Leposaviqit, Drejtori i Policisë së Kosovës për veriun, Veton Elshani e ka cilësuar si joshqetësues.
Kjo pasi sipas Elshanit, Policia ka pasë raste edhe më të rënda të sulmeve sesa ai i mbrëmshi, kur sipas tij, është përdorur edhe arma e zjarrit.
“Nuk është shqetësuese, ne përballemi me detyra tona të përditshme edhe për çdo natë aty, nuk është ndonjë gjë për me theksu ose për me u shqetësu, aspak bile. Mirëpo, sepse ne e planifikojmë që këto raste mund të ndodhin kjo ka qenë pa pasoja. Tash ky rast sikur të ishte shumë i rënd, ai me siguri do të ishte në burg dhe ishim marrë me të përsëri, mirëpo ne kemi pasë raste edhe të tjera kur është sulmu Policia dhe është detyru me zmbraps sulmin duke përdorë armën e zjarrit. Nuk është diçka shqetësuese, kjo është normale”, tha Elshani në emisionin “Ditari” në Tëvë1.
Kurse sa i përket grafiteve te Ura e Ibrit, Elshani tha se as ato nuk janë shqetësuese pasi siç tha ai, veriu është zonë pak më delikate por që sipas tij, me rëndësi është që të mos ketë dëmtim të pronës dhe humbje të jetës.
“Ka shumë mbishkrime aty që janë me gjuhë të urrejtjes, po ne në rast që ka shkrime të tilla ne i kemi nxitje e përçarjes quhet ashtu edhe mosdurimit. Mirëpo nuk janë diqka shqetësuese për neve, dihet që veriu është zonë pak më delikate. Për neve është me rëndësi që mos të ketë dëmtim të pronës, mos të ketë humbje të jetës, lëndime “, shtoi tuje Elshani./teve1.info./
Vendosen grafite nacionaliste serbe te ura e Ibrit në Mitrovicë
