Janë ndalur dymbëdhjetë persona, 10 nga ta të mitur pasi kanë hyrë në Mitrovicë të Veriut duke festuar me flamuj shqiptare e të njëjtit janë sulmuar me gurë nga disa serbë.
Kështu ka bërë të ditur për Tëvë1, zv.komandanti për veriun, Veton Elshani i cili tha se ata ishin duke festuar në dy vetura.
“I kemi ndal dy vetura, në njërin kanë qenë pesë të mitur. në veturën tjetër kanë qenë shtatë persona. Ende nuk ka ndonjë vepër, përveç për patentë shofer e kundërvajtje në trafik, për ketë punë jemi duke u marrë me ta. Nuk ka vepër për përdorimin e flamurave, por për këto çështjet e kundërvajtjes. Deri sa t’i sqarojmë disa situata që kanë ndodhur. Tani jemi duke e trajtu ketë rast, pasi që personat janë të mitur”, ka deklaruar ai.
Tutje, ai ka thënë se është hapur rast në lidhje me sulmin me gurë që është bërë ndaj tyre nga ana e serbëve.
