Musk i cili para më pak se dy javësh ka blerë 9 për qind të aksioneve të Twitterit, ka thënë se dëshiron ta blejë atë sepse beson që nuk po e shfrytëzon potencialin që ka për liri të shprehjes.
“Liria e shprehjes është baza e një demokracie funksionale dhe Twitter është shesh digjital ku diskutohen çështje jetike për të ardhmen e njerëzimit”, ka thënë Musk.
Tutje, ai deklaroi se dëshiron të krijojë mundësi të reja për këtë platformë dhe të bëjë algoritmet ashtu që të rrisin besimin.
Musk, i cili është edhe pronar i kompanive Tesla dhe SpaceX, ka thënë në të kaluarën se Tëitter duhet të bëhet kompani private në mënyrë që të rritet besimi te përdoruesit.
Aktualisht Elon Musk është njeriu më i pasur në botë, me një pasuri prej më shumë se 269 miliardë dollarëve, sipas revistës Forbes.
