Kryetari i Klinës, Zenun Elezaj ka njoftuar se uji nga furnizimi nga Fundrruesi me ultrafiltra dhe procesimi në Fabrikën e Ujit në Klinë ka kaluar të gjitha testet e parapara dhe është i pijshëm.
Ai ka thëënë se ky është një lajm i mirë për gjithë qytetarët e Klinës.
“Jam jashtëzakonisht i lumtur të ndaj me ju këtë lajm të shumëpritur se furnizimi nga Fundrruesi me ultrafiltra dhe procesimi në Fabrikën e Ujit në Klinë ka përfunduar me sukses dhe uji tashmë është plotësisht i pijshëm. Ky është një rezultat i investimeve të mençura dhe të duhura, që kemi realizuar bashkë me Qeverinë e Kosovës dhe KRU “Hidrodrini”. Falënderim të veçantë për të gjithë ata që janë angazhuar me përkushtim e profesionalizëm në këtë proces. Urime të gjithë qytetarëve të Klinës për këtë lajm të mire”, ka shkruar Elezaj.
