Në emisionin “Këndi i Debatit’, Elezaj ka thënë se në atë shtet ku është prezent NATO, si rasti i Kosovës, atëherë është mundësia që ky vend ta shfrytëzoj nenin që ia mundëson anashkalimin procedurave por anëtarësim në NATO.
“…Nuk janë të specifikuara në mënyrë strikte në rastet kur kemi një nen të sigurisë për vendet e rrethit që janë anëtare të NATO-s, në këto raste merret gjendja faktike për bazë, ku në rajon e kemi të shtrirë NATO dhe ky nen i përjashton rastet kur NATO nuk ka asnjë lloj prezence në këto nene, dhe vet Kosova është rast specifik për shkak të prezencës së saj 20-vjeçare të NATO-s. Propozimi i presidentit të Turqisë ishte i bazuar dhe deklarimi i Zagrebit zyrtar që Kosova të marrë statusin e anëtarit të NATO-s dhe ka një protokoll të veçantë që rregullon anëtarësimin në raste të veçanta siç është Kosova dhe ne mund ta shfrytëzojmë këtë rast sidomos duke pas parasysh gatishmërinë e shteteve që kanë një ndikim në NATO siç është SHBA-ja”, tha Elezaj.
Sipas tij, bazat e NATO-s siç është Bondsteelit dhe të tjerat janë element i rëndësishëm në vlerësimin e elementeve bazë për një shtet kandidat që të jetë anëtare e NATO-s.
“Kemi edhe një mundësi tjetër që flet për bazat e NATO-s ,përkatësisht siç është baza e bondstilit dhe të tjerat të cilat janë një element i rëndësishëm në vlerësimin adekuat të elementeve bazë për një shtet kandidat që të jetë eventualisht anëtare e NATO-s”, tha Elezaj. /teve1.info/
