Një shtetas i Kosovës, i cili kërkohej me urdhër-arrest ndërkombëtar për përfshirje në veprën penale “Dhunimi”, është ekstraduar nga Kroacia në Kosovë.
Ekstradimi është realizuar nga Drejtoria për Bashkëpunim Ndërkombëtar Policor (ILECU), në koordinim me njësitet relevante të Policisë së Kosovës dhe institucionet e drejtësisë.
Sipas Policisë së Kosovës, i dyshuari është ekstraduar më 15 gusht dhe pas mbërritjes në Kosovë u është dorëzuar njësive përkatëse policore për procedura të mëtejshme ligjore.
Policia e Kosovës ka bërë të ditur se do të vazhdojë bashkëpunimin dhe shkëmbimin e informacioneve me institucionet vendore, shtetet dhe organizatat ndërkombëtare, me qëllim të parandalimit dhe hetimit të veprave penale, si dhe identifikimit, kapjes dhe arrestimit të personave të kërkuar brenda dhe jashtë vendit./teve1.info/
