Është ekstraduar nga Kosova në Shqipëri e kërkuara me letërreshtim ndërkombëtar, e cila dyshohet për veprat penale “ndihmë në kalim të paligjshëm kufitar” dhe “falsifikim të dokumenteve”.
Sipas njoftimit të Policisë, këto vepra dyshohet se i ka kryer si pjesë e një grupi të strukturuar kriminal.
“E dyshuara ishte arrestuar nga Policia e Kosovës, pasi që e njëjta kërkohej përmes INTERPOL-it me letër rreshtim ndërkombëtar, të lëshuar nga institucionet e drejtësisë së Shqipërisë, për veprat penale ‘ndihmë në kalim të paligjshëm kufitar’, ‘falsifikim të dokumenteve’, vepra këto të kryera si pjesë e një grupi të strukturuar kriminal” thuhet në njoftimin e policisë.
Lidhur me rastin, bëhet e ditur se ekstradimi është bërë përmes pikës kufitare në Vërmicë.
