Ministria e Kulturës ka bërë të ditur se që nga data 1 shtator në Galerinë Kombëtare të Kosovës do të jetë e hapur ekspozita retrospective “Lumturi Blloshmi. Nga e Para”.
Sipas njoftimit, kjo është ekspozita e parë retrospektivë e artistes Lumturi Blloshmi në Kosovë dhe gjithashtu ekspozita pasuese e prezatimit të saj të suksesshëm në Bienalen e 59-të Venecias si pjesë e pavjonit shqiptar në 2022.
“Ekspozita përbëhet nga një përzgjedhje e veprave të Blloshmit nga vitet e 60-ta të deri në vitin 2000, dhe përfshin autoportrete, peizazhe, portrete, kompozime në pikturë, fotografi e instalacione që flasin për thelbin estetik dhe realitetin personal të Blloshmit, po aq sa flasin dhe për kontekstin specifik politik dhe social në të cilin u krijuan”, thuhet tutje.
