Në shifra, kjo rënie përkthehet në 13 milionë euro.
Sipas ekonomistëve, në këtë rënie kanë ndikuar shumë faktorë.
“Nuk nuk është e lehtë që në një situatë të tillë ku vazhdimisht kemi lajme të rrezikshme për të tashmen dhe të ardhmen, nuk është e lehtë që të bëhen projeksione për investime të mëdha. Dhe kjo ndoshta mund të konsiderohet që sjell një rënie të eksportit nga viti në vit. Pastaj kemi situatën me pandeminë që sapo e kemi kapërcy, kemi situatën me inflacionin e lartë për shkak të krizës të konfliktit të armatosur në Ukrainë”, thotw ekonomisti Besnik Avdiaj.
Ai shton se as mbështetja qeveritare nuk është e mjaftueshme për prodhuesit vendorë.
“Ekonomia e shkallës ia rrëzon atij çmimet e shitjes, përmes kostove shumë të ulëta të prodhimit dhe të operacioneve të tjera. Por në anën tjetër kur e shohim edhe mbështetja që jepet përmes programeve të ndryshme që jepet përmes institucioneve tona, nuk është e mjaftueshme thjesht si një mbështetje direkte financiare për prodhuesit vendorë që ta tejkalojnë këtë barrierën e ekonomisë së shkallës”, thotë Avdiaj.
E sipas ekonomistit Mustafë Kadriaj, e gjithë kjo është e dëmshme për vet prodhuesit.
“Gjithë ai trumbetim i qeverisë dhe sidomos i Ministrisë së Bujqësisë që jemi duke fiziquar prodhimin vendor, këtu po shihet që nuk e ka arritë efektin. Ndoshta qeveria mund të lëvdohet me pjesën e doganës që e ka mbushë arkën e shtetit por kjo është e dëmshme për prodhuesit vendor sepse kur fuqizohet importi realisht është i dëmshëm për prodhuesit vendor”, shprehet ai.
Eksporti i mallrave në muajin gusht të këtij viti sipas ASK-së, kishte vlerën 67,3 milion Euro, ndërsa importi 523,1 milion Euro, që është një rënie prej (-20,7%) për eksport si dhe (-0.7%) për import, krahasuar me periudhën e njëjtë të vitit 2022.
