Megjithëse jo publik, data për dorëzimin e këtij raporti ishte 23 qershori, i cili përfshin dëmet materiale dhe humbjet ekonomike të viktimave të drejtpërdrejta.
Kjo ekspertizë pritet të jetë pjesë e fjalës përfundimtare të mbrojtjes së viktimave, seanca për të cilën është caktuar në shtator.
Hartimi i kësaj ekspertize, sipas avokatit, Skender Musa, mund të merret si sinjal për një aktgjykim dënues.
Në anën tjetër, Medina Kadriu nga IKD, vlerëson se kjo ekspertizë nuk duhet të paragjykojë verdiktin e gjykatës, sikurse nuk e paragjykon as mbajtja në paraburgim.
Ish komandant Cali, akuzohet për ndalim arbitrar, trajtim mizor, torturë dhe vrasje e paligjshme, vepra që pretendohen se janë kryer gjatë luftës së fundit në Kosovë.
Kronika e realizuar nga Florijeta Dernjani
