Vendndodhja e patrullave të policisë së Kosovës mund të diktohet lehtë nga ngasësit e automjeteve.
Qytetarët mund të dinë se ku ka radar duke përdorur aplikacionin “Ëaze” në të cilin raportohet lokacioni i saktë nga vetë përdoruesit e këtij aplikacionit.
Raportimet e tilla janë bërë trend ditëve të fundit në rrjetin social “TikTok”.
Në bazë të këtij aplikacioni një patrullë e Policisë është në rrugën “Lidhja e Pejës saktësisht nën urë. Ne po shkojmë shohim nëse ka radar në këtë rrugë.
“Pra ashtu siç është raportuar në aplikacionin “Waze”, Policia e Kosovës në rrugën “Lidhja e Pejës” apo magjistralen “Prishtinë –Pejë”, janë raportimet që bëhen në këtë aplikacion.
Por a është ilegale përdorimi i këtij aplikacioni në Kosovë.
“Një aplikacion i tillë apo një GPS e tillë ka të bëjë me njoftimet paraprake të qytetarëve që e përdorin në trafik por një gjë e tillë pasi nuk është e ndaluar me ligjet e Kosovës atëherë mund të jetë e lejuar në formë të ligji apo laksative nga ana e ligjit”, thotë ish hetuesi policor Refki Morina.
Por avokati, Florim Shefqeti kërkon nisjen e hetimeve rreth personave që bëjnë raportimin e radarëve të Policisë së Kosovës.
“Paraqesin bazë të funksionimit të kundër ligjshëm e normalisht që do të duheshin të hetoheshin dhe të sanksionoheshin nga ana e Gjykatës sepse paraqet pengim të provuarit në procedurë apo pengim të një vepre kundër vajtëse”, shprehet ai
Tëvë 1 ka dërguar pyetje edhe në Policinë e Kosovës se a është në dijeni rreth këtij aplikacionit por nuk ka marrë përgjigje gjatë javës.
Përveç kësaj, aplikacioni “Waze” përdoret edhe për informacione rreth kushteve të rrugëve dhe aksidenteve të mundshme në trafik.
