Ndërsa, eksperti i Ekonomisë, Milazim Abazi tha se premtimi i Qeverisë Kurti për të ndërprerë procesin e privatizimit është i gabuar.
I ftuar në emisionin “Ditari” në Tëvë 1 Abazi, ka deklaruar se është më mirë të ndodhë një privatizim i keq sesa të mos ketë fare privatizim.
“Konsideroj se premtimi i Qeverisë Kurti për të ndërprerë procesin e privatizimit është i gabuar, më mirë të ndodhë një privatizim i keq sesa të mos ketë fare privatizim. Dihet se procesi i privatizimit ka filluar para 20 vitesh dhe gjatë këtij procesi ka pasur edhe gabime edhe lëshime, mirëpo kjo nuk i jep askujt të drejtë që të ndërpresë procesin e privatizimit”, tha ai.
Sipas Abzit, organet kompetente duhet të merren me gabimet që ndodhin gjatë procesit të privatizimit, mirëpo jo të ndalohet ky proces.
“Qeveria apo organet kompetente duhet të merren me ndonjë lëshim apo gabim që ka ndodhur gjatë privatizimit, mirëpo jo ta ndalojë procesin e privatizimit”, theksoi ai.
Përndryshe, partia e kryeministrit, Albin Kurti pati premtuar që sapo të vijë në Qeveri do të shuajë AKP-në me qëllimin që të formohet Fondi Sovran. /Teve1.info
