Kryetari i Aleancës për Shqiptarët, Arben Taravari ka thënë se nuk ka pas takim me kryeministrin e Shqipërisë, Edi Rama para vendimit për dalje nga Qeveria.
Ai ka thënë se Ramën e ka takuar katër apo pesë muaj para se ta merrte këtë vendim.
Ish-ministri i Shëndetësisë në Maqedoninë e Veriut ka ndarë detaje në emisionin “Këndi i Debatit” në Tëvë1 nga takimi që ka zhvilluar me Ramën, para hyrjes në qeveri.
Taravari ka thënë se Rama pasi është interesuar se çfarë pozita do të marrin, i ka dhënë një këshillë, që sipas tij, ashtu edhe doli.
Menjëherë mbas 8 majit kishim një takim me z. Ramën në Tiranë dhe meqë i bënin negociatat më pyeten ‘hyni në qeveri, çfarë pozicionesh keni’, i thash kryetar parlamenti, më ‘tha super, shumë mirë që e mbani pozicionin e kryetarit të parlamentit’. Më pyeti sa ministri i thash 6. ‘Më tha edhe numri i ministrive është i mirë, vazhdoni ju urojë suksese’. Veç një porosi më tha. ‘Do t’ju përdorin, për z. Mickoskin, do t’ju shfrytëzon do mbeteni si leckë’…. Vërtetë mbetëm si leckë, kukulla në qeveri, nisnin të mos na pyesnin mos të na përfillnim vërtetë dukeshim shumë keq”, ka thënë Taravari
