Zëvendësdrejtori nga komunitetet, Dejan Jankoviq është liruar nga autoritetet serbe.
Kështu kanë bërë të ditura burime të Tëvë 1.
Ai tashmë është nisur për të hyrë brenda territorit të Kosovës.
Ndryshe, udhëtarët të cilët të martën po udhëtonin me autobusë dhe vetura u ndaluan nga autoritetet serbe në vendkalimet kufitare te Dheu i Bardhë dhe Merdare.
E pas disa orësh të gjata, udhëtarët u liruan.
E ndër pyetjet që iu ishin bërë ishte edhe nëse kanë qenë pjesëtar të UÇK-së, Policisë së Kosovës apo FSK-së.
Po ashtu, sot gjatë ditës kryeministri, Albin Kurti ka konfirmuar nga mbledhja e Qeverisë se janë liruar katër edhe pesë zyrtarët policorë që po mbaheshin në Rashkë të Serbisë, ndërsa jo edhe Jankoviq.
Për mos lirimin e zëvendësdrejtorit të policisë, Dejan Jankoviq, ka reaguar gjatë ditës edhe ambasadori amerikan në Kosovë, Jeffrey Hovenier.
Pas një takimi me presidenten e Kosovës, Hovenier tha se Serbia shkeli marrëveshjen për lëvizjen e lirë dhe se pajtohen me reagimet e Bashkimit Evropian.
“Stano ishte mjaft i qartë në këtë çështje dhe se si BE-ja i sheh gjërat. Ne pajtohemi me BE-në, edhe SHBA-ja pret që të gjitha zotimet e arritura përmes dialogut të zbatohen plotësisht nga Serbia dhe Kosova”.
Për këtë çështje ka reaguar edhe ambasadori gjerman në Kosvë, Jorn Rhode.
Në platformën “X” Rode ka shkruar se ky veprim nuk pritet nga një vend kandidat për BE-së.