Një nga sponsorët e qendrës sportive në veri të Mitrovicës, e cila u mbyll pas një aksioni të përbashkët të Policisë së Kosovës dhe inspektorëve komunalë, është kompania serbe “RAD” dhe ‘’GREY’’, e lidhur me Milan Radoiçiqin.
Por, këto qendra duket se më së paku kanë shërbyer për sport. Në bazë të fotografive të siguruara nga TËVË1 shihen qartë elemente të ekstremizmit nacionalist serb.
Po ashtu kujtojmë që edhe vet i akuzuari që gjendet në paraburgim për terrorizëm dhe cenim të rendit juridik e kushtetues Milun Milenkoviq i njohur si Llune operonte si trajner i sporteve luftarake në këto qendra.
Ndryshe, qendra sportive në fjalë u mbyll të enjten pas një ndërhyrjeje nga Policia e Kosovës dhe autoritetet komunale.
