Zëvendësministër i Mjedisit, Planifikimit Hapësinor dhe Infrastrukturës, Jeton Raka ka bërë të ditur se me urdhër të Prokurorisë së Pejës janë sekuestruar kamionë e eskavatorë të një operatori ilegal në Ozdrim të Pejës.
Sipas tij, dyshohet se ata po kryente veprimtari ilegale në degradim të mjedisit.
“Në fshatin Ozdrim të Pejës, gjatë aksionit të rradhës së Task Forcës së Gjelbër, me urdhër të Prokurorisë së Pejës, sekuestruam pesë (5) bagerë, nga të cilët tre prej tyre eskavatorë dhe dy ngarkues me lopatë, si dhe katër (4) kamionë, tek një operatorë ilegal”, ka shkruar ai.
Ndërsa, burime të Tëvë 1 kanë bërë të ditur se gjatë këtij aksioni ka pasur gjuajte me armë zjarri.
Tutje të njëjta burime bëjnë të ditur se armët e përdorura janë sekuestruar nga Policia e Kosovës, dhe për njërin nga ta është hapur rast në polici.
Tëvë 1 ka kontaktuar Policinë e Kosovës, por të njëjtin ende nuk kanë kthyer përgjigje.
