Sipas tij rritja e pagës minimale nuk i zgjidh problemet e punëtorëve dhe kompanive në Kosovë.
“Për shkak se paga minimale nuk i zgjidh problemet të cilat përballet punëtorët, kompanitë në Kosovë”, deklaroi Avdijaj.
Ekonomisti Avdijaj theksoi se duke parë rritjen e çmimeve në gjashtë muajt e fundit, një pagë prej 250 euro është e pa përballueshme për qytetarët, pasi që nuk arrijnë t’i mbulojnë kostot e jetesës së tyre.
“Kur e shohim se si kanë lëvizur çmimet me inflacionin vetëm në këta gjashtë muajt e fundit në gjithë Evropën na prek edhe neve këtu, një pagë minimale prej 250 euro aty pari në vlerë neto është e pa përballueshme për secilin individ në Kosovë”, ka thënë ai.
Ai në Info Nata deklaroi se në Kosovë ka ende familje që kanë një apo asnjë person të punësuar dhe varen nga skema pensionale e që sipas tij, ata e kanë shumë të vështirë që të ia dalin.
“Edhe sot kemi një numër të konsiderueshëm të familjeve në Kosovë që kanë një ose asnjë të punësuar dhe varen nga shumë skema pensionale përmes të cilave ata duhet të i’a dalin të planifikojnë shpenzimet, kostot e jetesës së tyre gjatë një muaji me vlera jashtëzakonisht të ulta”, theksoi ai.
Por sipas tij rritja e pages minimale në një ekonomi e cila nuk arrin të kontrolloj problematikat e manipulimet mund të qoj në rritje të punësuarve pa kontratë.
“Ajo që do të ketë efekte edhe negative, nuk e di nëse e kanë realizuar analizat e nevojshme por paga minimale me rritjen e saj në Kosovë në një ekonomi e cila akoma nuk po arrin të kontrollohen problematikat, manipulimet, informaliteti ndoshta mund të ketë edhe efekte tjera domino në rritjen e informalitetit, në rritjen e të punësuarve pa kontratë”, tha Avdiaj.
Ai ka thënë se tërheqja e një vlere nga Trusti për disa kategori është diskriminim.
“Rasti i tërheqjes të një vlere të konsideruar nga skema pensionale, kjo është një kategori e cila është komplet e diskriminuar nga kjo situatë, për shkak se iu pamundësohen kontributet dhe përfitimi në rast se do të vendoset një tërheqje e trustit, janë problematika reale për të cilat institucionet janë vazhdimisht në dijeni”, përfundoi ai.
