Ejupi në emisionin “Ditari” në Tëvë1, tha se Qeveria nuk ka subvencionuar as peletin.
“Projeksionet në njëfarë mënyre i kemi të sigurt deri më 31 dhjetor, por si ne duhet me u përgatit për dimër, këtu është problemi. Gjashtë muaj po bëhen prej që është rritur çmimi i energjisë, asnjë masë nuk e kemi nga Qeveria. As nuk e kemi subvencionu peletin, ku dihet që me diçka duhet me u ngroh. Problemi më i madh i shpenzimit të energjisë është ngrohja”, ka deklaruar ai.
Sipas tij, gjatë verës shpenzohen rreth 700 megavat, ndërsa gjatë dimrit ky numër dyfishohet.
“Gjatë verës ne shpenzojmë diku rreth 600-700 megavat në orë, kurse gjatë dimrit kjo dyfishohet në 1200-1400 megavat, po dihet ku është shpenzimi kryesor”, ka theksuar Ejupi. /teve1.info/
